Внимателно се следи ситуацијата во Косово затоа што тоа ни се најблиските соседи, вели Османи

Министерот за надворешни работи Бујар Османи вечерва во „Click Plus“ на ТВ21 вели дека внимателно се следи ситуацијата во Косово, затоа што тоа ни се најблиските соседи.

„И Косово, и Србија. Секое случување таму, ни влијае и овде и во поларизација на општеството, меѓутоа и во општата состојба на државата“, вели Османи.

Тој додава дека сега уште повеќе имаме дополнителна улога како членка на НАТО и претседавач на ОБСЕ да придонесеме во регионот.