Сега веќе добро познатата книга „Премногу и никогаш не доволно – како моите роднини го создадоа најопасниот човек на светот“, внуката на американскиот претседател Доналд Трамп жестоко се бори со нејзиниот чичко.
Меѓу другото, таа открива дека основата на проблематичниот став на Трамп кон Германија е фактот дека Ангела Меркел е поинтелигентна од него.
„Интелектуално, таа жена лесно би го победила“, вели Мери Трамп пред да се објави книгата во Германија.
– Мислам дека тој не може да се справи со тоа. Тоа го излудува, вели таа.
Втората причина, убедена е таа, е дека Ангела Меркел е силна жена.
– Доналд не се снаоѓа со силни жени, посовува внуката на претседателот.
Мери Трамп рече дека ја објавила книгата за да им обезбеди на американските граѓани важни информации пред изборите за есен – информации што ги немале пред изборите во 2016 година.
„Без оглед кој ќе победи во ноември, тие веќе нема да можат да кажат: „Знаете, не го знаев тоа, не знаев дека тој го сторил тоа“, рече Мери Трамп.
Нејзината книга беше објавена во САД на 14 јули, и покрај обидите на Белата куќа да го спречи тоа.
Мери Трамп, инаку клинички психолог, во книгата вели дека однесувањето на Трамп што „се заканува на светското здравје, економска сигурност и социјалниот поредок“ е обликувано во детството.