Нема потреба САД повторно да се затворат и покрај тоа што бројот на заразени не се намалува, изјави американскиот инфектолог Ентони Фаучи.
„Треба да разговараме за тоа како подобро да ги контролираме деловите во земјата каде што се зголеми бројот на луѓе со коронавирус“, рече Фаучи.
САД се први во светот по број на болни и мртви – скоро 120 илјади.
Иако поранешните епицентри на инфекцијата, Њујорк и Њу Џерси, успеаја да го запрат неконтролираното ширење на инфекцијата, бројот на пациенти повторно расте во 20 сојузни држави.
Според неговото интервју за агенцијата АФП, Фаучи истакна дека ќе има важни одлуки на локално ниво кога целата земја ќе се врати во нормала, а едно од клучните прашања ќе биде отворањето на училиштата.
„Земјите каде нема пациенти немаат проблем со отворање училишта … Исто така, има делови од земјата каде што инфекцијата е минимална, така што можете само малку да ги модифицирате часовите, да ги одделите луѓето, да носите маски …“, рече Фаучи.
Водечкиот американски инфектолог рече дека е загрижен што граѓаните не ги слушаат препораките на властите да носат маски.
„Во нашата земја, имате групи на луѓе кои многу строго ги почитуваат препораките да носат маски … И, тогаш гледате слики на луѓе кои седат во барови или цркви без маски. Некои почитуваат, некои не“, рече Фаучи.