Од Унгарија во Австрија влегле околу 6.500 бегалци, од кои 2.200 веќе тргнале за Германија, изјави денеска австриската министерка за внатрешни работи Јохана Микл-Лајтнер на железничката станица во Виена.

Migrants hold pictures of German Chancellor Angela Merkel as they set off on foot for the border with Austria from Budapest, Hungary, September 4, 2015. REUTERS/Bernadett Szabo

Таа претходно истакна дека полицијата нема да употреби сила за да го спречи приливот на бегалци.

Според неа, повеќето бегалци кои од минатата ноќ пристигнуваат во Австрија од Унгарија сакаат да го продолжат патот, главно во Германија.

Микл-Лајтнер нагласи дека досега само десет бегалци поднеле барање за добивање азил.

Претходно австрискиот канцелар Вернер Фајман соопшти дека поради моментанта вонредна ситуација властите во Австрија и Германија се согласиле да им дозволат на мигрантите да влезат во нивните земји./МИА