Раководството на Барселона започнува нова рунда разговори со играчите за намалување на нивните плати. Во последната година, играчите двапати се согласија да им се намалат платите за да му помогнат на клубот финансиски да се стабилизира. Сега, сепак, двете страни можеби нема да постигнат разбирање.
Според весникот „Спорт“, капитените Серхио Бускетс, Жерар Пике и Жорди Алба се против ново кратење на платите. На ова се согласи Серхи Роберто, кој при обновувањето на договорот се согласи да ја намали платата од 12 на 5 милиони евра.
Оваа недела претстојат разговори меѓу шефовите и капитените на Барса. Извесно е дека доколку тим лидерите не се согласат со предлогот на раководството, ниту нивните други колеги нема да одговорат на барањето за намалување на платите.
Сепак, на „Камп Ноу“ се оптимисти дека ќе најдат решение за проблемот. Се очекува клубот да продаде и еден или двајца клучни играчи за да може да си дозволи привлекување нови регрути.