По информациите дека училишта наплаќале за свидетелства, по иницијатива на Сојузот на средношколци, Просветниот инспекторат извршил увид во четири училишта, по што било утврдено дека средното медицинско училиште во Тетово и гимнацијата „Мирче Ацев“ во Прилеп наплаќале пари.
На двете гимназии им е укажано веднаш да ги вратат паричните средства и за тоа да го известат инспекторатот.
Покрај овие две гимназии посочени беа и „Зеф Љуш марку“ во Скопје и „8 ми септември“ во Тетово каде исто така бил извршен надзор, но не биле потврдени наодите.
За ова реагираше и Народниот правобранител кој и годинава констатира дека продолжува праксата дел од училиштата неосновано и надвор од закон да им наплаќаат на учениците/родителите/старателите за издавање свидетелства за завршено образование, соопштија од Кабинетот на Народниот правобранител.
-Глобалната пандемија со Ковид-19 уште еднаш ни покажа дека никој не може сам и дека е неопходно да бидеме заедно во решавање на сите потешкотии што ни ги носи денешницата. Па така, имајќи предвид дека инклузивноста е еден од клучните столбови на кои се потпира принципот на солидарност, а на чија идеја почива и самата конвенција на Обединетите нации за статусот на бегалците, Народниот правобранител по повод овогодинешниот Ден на бегалците упатува препорака до властите за целосно почитување на правата на овие лица и креирање политики што ќе придонесат за целосно интегрирање во заедницата, зачувувајќи го нивното достоинство и враќајќи им го чувството на безбедност и сигурност, стои во соопштението.