Во Хрватска 49 нови случаи на коронавирус

Националниот штаб за цивилна заштита на Хрватска соопшти денеска дека се регистрирани 49 нови случаи на инфекција со коронавирус, бројот на заразени моментно е 1.116, а едно лице починало, пишува „Данас“.

„Во изминатите 24 часа се регистрирани 49 нови случаи на инфекција со коронавирус, така што бројот на моментално активни случаи во Хрватска е вкупно 1.116“, соопшти Националниот штаб за цивилна заштита.

Меѓу нив, 138 пациенти се наоѓаат во болница, од кои девет се на респиратор.

Од штабот објавија дека едно лице починало, така што вкупниот број на починати е 123.