275
Министерот за здравство Венко Филипче, денес најави дека на почетокот на наредниот месец ќе пристигнат дополнителни 500 илјади вакцини на „Синовак“, кои ќе го забрзаат процесот на имунизација на населението.
„500 илјади вакцини од Синовак ќе пристигнат на почетокот на јуни како и 100 илјади вакцини од Фајзер преку КОВАКС системот. Имаме најава дека на крајот на месец мај, ќе пристигнат и руските вакцини, но немаме се уште потврда. Има сосема доволен број на вакцини за да се задржи ова темпо на вакцинација“, објасни Филипче на денешната прес-конференција пред арената „Борис Трајковски“.