Во мај најмногу се трошело за храна и пијалоци

Сојузот на синдикати на Македонија објави дека за месец мај на едно домаќинство му биле потребни над 33 илјади денари за редовни трошоци во домот.

Поточно 33.315 денари од кои најголем дел или 42,61 отсто отпаѓаат на храна и пијалоци.

Според пресметката во буџетот за месец мај на едно семејство му биле потребни 14.196 денари за храна и пијалоци, за домување 10.426,90 денари, за хигиена 2.325,66 денари, за превоз 2.447,11 денари, облека и обувки 2.144,66 денари, култура 1.066,79 денари и 707,69 денари за одржување на здравјето.

Последните податоци на Државниот завод за статистика покажуваат дека просечната плата во земјава изнесува 26 422,00 и се однесува на плата исплатена во март годинава.