128
Археолозите пронајдоа кула, изградена од 676 човечки черепот во Мексико Сити, објавува”Ројтерс”. Голем дел од посмртните останки на жртвуваните се жени и деца, што ги изненадило научниците. Археолозите веруваат дека кулата е дел од ритуалната структура наречена “Хјуи Цомпантли” (Huey Tzompantli), преку која Ацтеките ја покажуваlе силата пред шпанските освојувачи и си обезбедувале благосостојбата на својот народ. Досега се сметаше дека ритуално биле убивани воени затвореници или воини кои учествувале во битки. “Очекувавме мажи и сметавме дека жените и децата не учествувале во војни”, изјави за агенцијата антропологот Родриго Боланос.
Кулата се наоѓа во близина на храмот на Уицилопочтли, бог на сонцето, војната и специјален заштитник на аристократијата. Таа е со дијаметар од околу 6 метри, што ја прави една од најголемите, досега откриени. Древната структура од остатоци е спомната во мемоарите на шпански војник од времето на конквистадора Хернан Кортез уште во 1521 година. Војникот пишува дека се преброени околу 10 000 черепи, што значи дека допрва ќе се откриваат уште човечки остатоци, сметаат научниците.