Во Муртино откриено комбе со 25 мигранти, возачот побегнал

Граничната полиција синоќа забележала комбе „Форд“, со штипски регистарски ознаки, кое влегло во селото. Набргу потоа, возачот го напуштил возилото и побегнал, а во возилото биле пронајдени 25 мигранти, од кои 14 од Авганистан, седум од Пакистан и четири од Иран.

Мигрантите биле задржани во полиција, а по возачот се трага..

Обидите за криумчарење на мигранти зачестија откако изби кризата на грчко-турската граница.

Според познавачите, станува збор за мигранти кои подолг период се заглавени во Грција, а сега ја користат ситуацијата во која грчката полиција е сконцентрирана на турската граница за да го продолжат патот кон запад.