Примероците на отпадни води во Франција покажаа дека во некои градови, трагите од коронавирусот се над нивоата забележани за време на вториот бран на епидемијата наесен, објави „Ројтерс“.
Новата мрежа на Франција „Обепин“ континуирано собира примероци од градските цевки за отпадни води во скоро 50 станици за отпадоци и ја објавува количината на генетски материјал од вирусот САРС-Ков-2, кој предизвикува ковид.
Што се однесува до градовите во кои се достапни податоци од пролетта 2020 година, може да се види јасна релација на примероците со бројот на позитивни случаи и тоа дава сигнали за рано предупредување.
„Во Лил, Марсеј, Стразбур гледаме сериозно зголемување, додека во регионот на Париз, ситуацијата е претежно под контрола“, рече Винсент Маршал, од универзитетот Сорбона и ко-основач на мрежата „Обепин“.
Sewage samples from a new nationwide COVID19 monitoring system show that in some French cities traces of #coronavirus are spiking above levels seen during the second wave of the epidemic in the autumn.#Europe #COVID19 https://t.co/oryxlQhKZ0
— The Peninsula Qatar (@PeninsulaQatar) February 11, 2021