Вакцинацијата на животни против коронавирусот започна во Русија, изјави советникот на директорот на Федералната служба за ветеринарен и фитосанитарен надзор, Јулија Мелано.
Таа прецизира дека вакцинацијата на домашни миленици започнала во неколку руски области.
„Првите испораки на единствената вакцина против коронавирусот за животни во светот, карнивак-ков развиена од руски научници, пристигнаа во руските градови, со цел да се спречи ширењето на инфекцијата меѓу животните“, рече Мелано, пренесува Тасс .
Карнивак-ков е единствената регистрирана вакцина против ковид-19 за животни во светот.
Тој препарат е развиен од Федералниот центар за здравје на животните и Федералната служба за ветеринарна и фитосанитарна супервизија, а е регистриран на 31 март.
Клиничките испитувања, кои започнаа во октомври минатата година, беа извршени врз кучиња, мачки, лисици, визони и други животни.