Во Србија денес 36 жртви на вирусот, 3.304 новозаразени

Во изминатите 24 часа 36 лица починаа од последиците од коронавирусот во Србија, регистрирани се 3.304 нови случаи, а тестирани се 11.711 примероци, објавено е денес на порталот covid19.rs.

На болничко лекување се наоѓаат 7.794 лица, а на респиратори 292. Вкупниот број на смртни случаи е 5.458, а стапката на смртност е 0,88.

Од почетокот на епидемијата, регистрирани се 617.669 случаи, а тестирани се 3.483.666 примероци.

Досега се дадени вкупно 2.567.692 дози вакцини во Србија, а 1.090.763 граѓани ги добиле обете дози, покажуваат најновите податоци на Владата на Србија.