Белгискиот тело за анализа на терористичките закани (Осама) го  подигна степенот на опасност во регионот на Брисел до највисокиот , четврти степен, се чита од официјалното соопштение до медиумите. Причината е “нова проценка на ситуацијата”, се вели во текстот, цитиран од сите белгиски медиуми утринава, пренесоа агенциите.

Четврта степен на опасност значи “сериозна и непосредна закана за терористички чин”. Не е јасно што точно е предизвикало новата проценка и четвртата степен на опасност, но се претпоставува дека станува збор за добиени разузнавачки информации. Ова се потврдува и од забраната за движење за метрото во белгиската престолнина.Забрането е и одржувањето на фудбалските средби од професионалните лиги во земјата. “Советот кон јавноста е, по можност, да се избегнуваат местата каде што се собираат многу луѓе, како трговски центри, концерти, настани или постојки на јавниот транспорт”, рече портпаролот на владиниот кризен центар.