Меѓународниот аеродром „Елефтериос Венизелос“ во Атина вечерва беше во состојба на готовност поради два лета на „Емирати“ кои летаа за Њујорк и Дубаи, откако САД предупредија за „сомнителен“ патник.
Прототема наведува дека информацијата од сомнителниот патник ја добила ЦИА, а е оценета како сериозна и дека сомнителниот арапски патник бил во авионот на летот од Атина.
Летот за Дубаи требаше да тргне од Атина во 17:55 часот. Патниците нормално се качија во авионот, вратите беа затворени, а авионот таксистеше до пистата. Но, пред да заврши процесот, капетанот ги известил патниците дека мора да се врати назад поради технички проблем.
Кога авионот повторно стигнал на паркингот, од патниците било побарано да се симнат, земајќи го со себе сиот багаж.
Патниците се подложени на темелни безбедносни проверки. Според Екатемерини, не е откриено ништо сомнително.
Вториот лет, ЕК 209 за Њујорк веќе полетал и бил над Италија (Сардинија) кога пилотот бил известен веднаш да слета. Сепак, ниту Франција ниту Италија не дозволија авионот да слета на некој од нивните аеродроми и така авионот се врати во Атина и слета во него во 21:56 часот.
⚡ URGENT – #Grèce : Le vol Emirates #EK209 en provenance d'Athènes a été dérouté. #flyingnews pic.twitter.com/Io4FVRHaIa
— FranceNews24 (@FranceNews24) November 10, 2022