„Аватар 2“ веќе се наближува до крајот на снимањето, а првиот дел од овој мегауспешен хит креираше историја на бокс-офисот во 2009 година.
На Саемот за потрошувачка електроника 2020 во Лас Вегас, режисерот Џејмс Камерон ги претстави првите снимки од својот филмски хит „Аватар“ од 2009 година. Сликите од претстојниот филм потоа беа објавени и на Твитер-профилот на филмовите.
„Во новите продолженија на ’Аватар‘ нема само да се вратите на Пандора – ќе истражите и нови делови на светот“, стои во описот.
Во коментарите потоа имаше и позитивни одговори, но и критики околу тоа зошто толку долго се чека на вториот и на другите делови од филмот. Камерон го режира и вториот дел. Снимањето на „Аватар 2“ беше неколкупати одложувано, па така последниот датум на премиерата е 21 декември 2021 година.
Другите продолженија се најавени за 2023., 2025. и 2027 година.
Зои Салдана, Сем Вортингтон, Стивен Ленг и Сигурни Вивер ќе ги повторат улогите и во вториот „Аватар“-филм.
In the #Avatar sequels, you won’t just return to Pandora — you’ll explore new parts of the world.
Check out these brand new concept art pieces for a sneak peek at what’s to come. pic.twitter.com/bfZPWVa7XZ
— Avatar (@officialavatar) January 7, 2020