Вработен во верски објект (70) физички нападнал 66-годишна жена

Во Секторот за внатрешни работи Велес вчера била пријавена тепачка во верски објект.

Инцидентот се случил околу 15:30 часот во дворот на верски објект во Велес. Според информациите, по кратка расправија, 70-годишниот Д.Б. од Велес, вработен во верскиот објект, физички ја нападнал 66-годишната Н.Р. од Велес. Потоа, Д.Б. бил физички нападнат од 66-годишниот И.Л. и 34-годишниот С.Л., двајцата од Велес. Случајот е документиран, и против сите инволвирани ќе бидат поднесени соодветни пријави.

СВР Велес работи на целосно расчистување на инцидентот.