Вработените во „Старбакс“ штрајкуваат во најмалку 40 градови во САД

Синдикатот на американската компанија „Старбакс“ денес започна штрајк во најмалку 40 градови во САД, објави CNBC.

Откако не успеа да постигне договор со менаџментот на компанијата за потпишување на колективен договор, синдикатот на работниците во „Старбакс“ започна штрајк во 65 кафулиња на „Денот на црвената чаша“, кој денес се одбележува како ден кога се постигнуваат највисоки продажби во текот на годината.

Синдикатот се залага за намалување на работното време на синџирот во Соединетите Американски Држави, повисоки плати и решавање на стотиците обвинувања за нефер работни практики поднесени против „Старбакс“, а работниците рекоа дека се подготвени да го интензивираат прекинот на работата.