198
Времето денеска ќе биде сончево со мала до умерена локална облачност и со слаб до умерен ветер од јужен правец, известуваат од УХМР. УВ индексот ќе биде 8.
Минималната температура ќе биде во интервал од 11 до 20, а максималната од 20 до 36 степени Целзиусови.
Во Скопје претежно сончево со слаб до умерен јужен ветер.
Температурата до максимални 35 степени.
Од УХМР додаваат дека до петок времето ќе биде стабилно со слаб до умерен јужен ветер и со пораст на температурата. Во сабота во попладневните часови се очекува локален пороен дожд и грмежи. Ќе дува засилен ветер од јужен, а во недела од северозападен правец, кој ќе предизвика опаѓање на температурата.