Времето во земјава утре ќе биде претежно сончево и топло, вели временската прогноза на Управата за хидрометеоролошки работи (УХМР).
Ќе дува слаб до умерен ветер од јужен правец.
Минималните температури наутро ќе се движат од 6 Целзиусови степени во Берово, преку 10 степени во Маврово, Крива Паланка и Битола, до 17 степени во Гевгелија.
Дневните температури ќе се движат помеѓу 27 степени во Маврово, 29 степени во Берово и Охрид, до максимални 36 Целзиусови степени во Скопје и Велес.
В петок времето исто така ќе биде сончево и топло, со пораст на дневните температури.
В сабота попладне и во текот на ноќта кон недела, времето ќе биде нестабилно со локален пороен дожд и грмежи. Ќе дува умерен, наместа засилен југозападен, а в недела северен ветер, кој ќе услови опаѓање на дневните температури.
Потоа следува период на стабилно и потопло време, вели прогнозата на УХМР.