135
Милиони жени во САД ќе го изгубат законското право на абортус, откако Врховниот суд ја поништи пресудата од пред 50 години со која се легализираше абортусот во целата земја.
Новата пресуда ќе ги трансформира правата за абортус во САД, бидејќи секоја сојузна држава сега има свое право да го забрани или да воведе ограничувања. Тринаесет држави веќе ги активираа законите со кои абортусот автоматски станува незаконски, а се очекува и други наскоро да го направат тоа.
Севкупно, се очекува абортусот да стане илегален за околу 36 милиони жени во САД, односно во половина од сојузните држави.
Врховниот суд повторно ја разгледуваше пресудата од случајот Роу против Вејд на барање на Мисисипи, кое бараше нејзино поништување.