Српскиот премиер Милош Вучевиќ им ја честиташе победата на ВМРО-ДПМНЕ и нејзиниот лидер Христијан Мицкоски на парламентарните избори, како и победата на Гордана Силјановска Давкова во претседателската трка.
„Срдечни честитки до ВМРО-ДПМНЕ и Христијан Мицкоски за убедливата победа на парламентарните избори, како и до Гордана Силјановска Давкова за изборот за претседател на Северна Македонија“, напишал Вучевиќ на социјалната мрежа „Х“.
Тој укажал и на блискоста на српскиот и македонскиот народ.
„Сигурен сум дека во наредниот период ќе направиме дополнителен напредок во нашите односи. Се радувам на соработка за доброто на двете земји и на двата народа“, објавил Вучевиќ.
Срдачне честитке @VMRO_DPMNE @MickoskiHM на убедљивој победи на парламентарним изборима, као и госпођи Гордани Сиљановској-Давковој на избору за председника Републике Северне Македоније.
Македонски народ је близак српском. Сигуран сам да ћемо у наредном периоду остварити…
— Милош Вучевић (@milos_vucevic) May 9, 2024
Државната изборна комисија вчера ги објави конечните изборни резултати врз основа на 100 отсто од обработените изборни материјали, според кои ВМРО-ДПМНЕ на Христијан Мицкоски е апсолутен победник на парламентарните избори со 58 мандати.
Исто така, нова претседателка ќе биде Гордана Силјановска-Давкова, како кандидат на ВМРО-ДПМНЕ, која во вториот круг доби двојно повеќе гласови од претседателот во заминување Стево Пендаровски.