Вучевиќ: Мора да ја зачуваме државата, не е прашање на партија и мандат

Претседателот на Српската напредна партија Милош Вучевиќ денеска на форум на СНС во Жабљ изјави дека на Војводина и е место во Србија, нагласувајќи дека сега главната цел е да се зачува државата.

„Сите овие тензии и поделби, сите ќе поминат. За нас е најважно да ја зачуваме Србија. Не Србија само како нешто што го сакаме, туку да ја зачуваме државата. Не се работи за партија и мандат, овие протести, туку за опстанок на државата. Ова што се случуваше во последните три месеци нема никаква врска со трагедијата што се случи во Нови Сад, што вчера можевме да го видиме во тој град, кога правеа карневали“, рече Вучевиќ.

Вучевиќ додаде дека тие што протестираат наметнуваат дека жалат за трагедијата и дека однапред пресудиле кој е виновен.