Вучиќ: Современото меѓународно право почина пред 24 години

Претседателот на Србија, Александар Вучиќ, вечерва на централната манифестација на Денот на сеќавањето во Сомбор изјави дека агресијата врз СРЈ започнала пред 24 години и дека модерното меѓународно право починало пред 24 години.

„Звучи како неважна бирократска реченица, но е многу повеќе од тоа. Оттогаш, ништо во светот не може да биде полошо од она што и го направија на една мала земја која беше виновна затоа што сакаше да биде сама, слободна, слободарска, а не им се допадна на оние кои во 89 и 90 го уништија стариот поредок и создадоа нов“, рече Вучиќ на митингот плоштадот Свети Ѓорѓи.