Вучиќ: Во тешки моменти се гледа кој ви е пријател

Претседателот на Србија, Александар Вучиќ, денеска се сретна со заменик министерот за надворешни работи на Русија, Александар Грушко.

Тој доби гаранции за понатамошно унапредување на соработката меѓу Србија и Русија.

„Одлична средба со Александар Грушко, најблискиот соработник на Сергеј Лавров. Им пренесов важни пораки на Србија на претседателот Путин и министерот Лавров и добив гаранции за натамошно унапредување, на инаку многу тесната соработка меѓу Србија и Русија“, напиша Вучиќ на Инстаграм профилот на „БудучностСрбије“.

Тој рече дека во тешки моменти „секогаш се гледа кој ви е пријател“.