Вучиќ за изградбата на брза пруга: Од Суботица до Скопје ќе се стигнува за четири и пол часа

Српскиот претседател, Александар Вучиќ, во Кладово најави нови инвестиции за тој дел од земјата.

Тој рече дека ќе се развиваат и железничките коридори и изрази надеж дека за време на посетата на највисоките европски претставници наскоро ќе може да се потпише договор за изградба на пругата Белград-Ниш до границата со Македонија.

-Благодарение на изградбата на брза пруга на таа траса, ќе може да се стигне од Суботица до Скопје за само 4,5 часа. Се надевам дека ќе можеме да го потпишеме договорот за изградба на пругата Белград-Ниш, а потоа од Ниш до северно-македонската граница. Може да замислите дека кога ќе имаме брз пат од Суботица до Скопје ќе се пристигне за 4 и пол часа. И тоа ќе биде можно во Србија за некоја година, најави Вучиќ.