Претседателот на Србија, Александар Вучиќ изјави дека ЕУ има намера да укаже на страната која е повеќе виновна за недостигот на напредок во дијалогот, но дека некои земји кои го признале Косово побарале ставот да биде „урамнотежен“.
„Ако внимателно прочитате, намерата беше повеќе да се укаже на страната која е навистина виновна, но потоа дојдоа од девет земји, колку што сум информиран, кои побараа да не бидат идентификувани, но побараа рамнотежа“, рече Вучиќ синоќа во Њујорк, одговарајќи на новинарско прашање дали на работниот ручек со шефот на европската дипломатија Жосеп Борел ќе го постави прашањето зошто ЕУ повторно вели дека двете страни се виновни што не ги исполнуваат своите обврски.
Тој посочи и дека Србија не може да биде во предност, бидејќи тоа се земјите кои ја признаа независноста на Косово.