Претседателот Александар Вучиќ денеска по повод најавата на САД дека ќе воведат санкции кон НИС поради руската сопственост, рече дека ќе мора „брзо да бара решение“, но дека како претседател не е подготвен да разговара за потенцијалното воведување санкции за Москва во овој момент.
На прашањето дали воведувањето санкции против Москва ќе биде решение за проблемот, Вучиќ рече:
„Дали мислите дека некој би сакал да воведеме санкции кон Москва, а потоа да размислиме за ова? Немам докази за тоа. Не ја исклучувам можноста, но немам докази дека тоа е така. Но, како претседател на Србија и како некој што претседава со Советот за национална безбедност, во овој момент не сум подготвен ниту да разговарам за потенцијалните санкции против Москва“.
Тој посочи дека Србија речиси три години издржа водејќи принципиелна, сериозна и одговорна политика во која од самиот почеток сме за мир.
„Од почеток се придржувавме до принципите на меѓународното јавно право. Од самиот почеток ја почитувавме повелбата на Обединетите нации и баравме мир и примирје и сè друго. И не воведовме санкции кон Руската Федерација. Дали сега треба да го промениме тоа? Политика не е прашање дали би се чувствувале лошо, бидејќи поради вашата земја понекогаш треба да правите такви работи, но ние ќе се потрудиме да не направиме нешто такво и да не ја смениме политиката“.
На прашањето какви би можеле да бидат последиците од американските санкции врз НИС за земјата, српскиот претседател вели: „тешки ако не преземеме ништо“.
„Но, мораме да го направиме тоа, прво треба да разговараме со Американците, да ја добиеме хартијата, имаме и некаква официјална потврда, но треба да ја видиме хартијата, сè уште не сме го виделе документот. Ќе го видиме документот, прво ќе разговараме со Американците, па потоа одиме да разговараме со Русите. Треба да го решиме проблемот, не можеме да ја оставиме Србија без нафта среде зима, но во исто време ќе гледаме да ги зачуваме нашата пријателски односи со Русите и да не ги расипуваме односите со оние кои воведуваат санкции“, рече Вучиќ.