Претседателот на Србија, Александар Вучиќ, вечерва изјави дека за прв пат во Србија просечната плата надминала 100.000 динари и дека сега е 855 евра и додаде дека пред десет години била само 330 евра.
Кога соништата ќе станат реалност, тргнете напред кон иднината“, порача Вучиќ во видео обраќањето на Инстаграм профилот „будуќностсрбијеав“.
Според него, тоа покажува дека Србија е на одличен пат.
„Добивме податоци за месец мај за просечната плата во Република Србија, во многу наши градови, во Белград просечната плата е 1.075 евра, во Нови Сад 982 евра, во Ниш 813 евра и е блиску до просек на Републиката“, рече претседателот и додаде дека во Бор просечната плата е 1.025 евра.
Тој додаде дека добрите инвестиции и визионерските политики даваат резултати.
Тој наведе дека до крајот на годината ќе имаме просечни плати над 900 евра, а догодина повеќе од илјада евра