Претседателот Александар Вучиќ денеска изјави дека со внесувањето на Рио Тинто ќе се реши проблемот со платите и стандардот на граѓаните на Лозница, но дека најважно му е Јадар да не е загаден и затоа ќе биде, како што рече, заштитник на вистината и на интересите на народот.
Вучиќ при обиколката на работите на експресниот пат Шабац – Лозница рече дека чистата вода му е приоритет.
„Кога велам чисти води, не смее да се загадени не само Дрина, Сава и Дунав, туку и Јадар. Затоа што водата е извор на живот, водата е најважниот ресурс и затоа ќе имаме многу, многу тешки разговори со инвеститорите за тоа прашање. И тоа во најкраток можен рок. Ќе видиме и за тие фолии, што кажаа, сакаат тенки фолии. Цело време лажеа дека не е цврст отпад. Мораме да бидеме заштитници на вистината и на интересите на народот“, рече Вучиќ.