Претседателот на Србија, Александар Вучиќ, се сретна со амбасадорите на земјите од Квинтата – Соединетите Американски Држави, Велика Британија, Франција, Италија и Германија, како и со шефот на делегацијата на Европската унија, а единствениот тема на разговор беше последната ескалација на насилството на Косово, пренесе „Еуро њуз“.
Вучиќ изрази големо незадоволство и силна загриженост поради фактот што дел од меѓународната заедница продолжува да ги толерира унилатералните потези на Приштина, кои водат до насилство врз српската заедница, што резултира со намалување на бројот на опции кои би можеле да доведат до постојан мир и стабилност во регионот, се наведува во соопштението од кабинетот на претседателот.
Тој ги запознал соговорниците со вистинската хронологија на настаните во текот на вчерашниот ден во кои беа повредени голем број припадници на српската заедница, кои се собраа да го изразат своето незадоволство од упадот на илегалните сили на Курти во српските згради, но и поради разнишаната доверба во КФОР кој и покрај дадените гаранции не ги заштити Србите и не го спречи незаконското и насилно преземање на општините.
„Претседателот потсети дека навремено и упорно предупредувал за ваквиот развој на ситуацијата, како и за последиците кои можат да доведат до неказнивост на институциите во Приштина, кои не само што не ги исполнуваат своите обврски, туку редовно преземаат еднострани насилни дејствија против српската заедница на Косово, со бројни и чести инциденти, кои резултираат со повреди, тепања, малтретирање и отворена дискриминација на Србите“, се наведува во соопштението.
„Вучиќ порача дека е крајно време дел од меѓународната заедница конечно да реагира остро, јасно и недвосмислено на политиката на приштинските институции и да ги заштити Србите од се посилните притисоци и бруталното насилство што се врши пред очите на сите механизми, чија улога, меѓу другото, е да ја заштитат заедницата“, се наведува.
Претседателот изрази жалење за повредените војници на КФОР, но посочи дека се повредени многу поголем број Срби, дека против нив било употребено огнено оружје и голема физичка сила, иако од самиот почеток пружале ненасилен отпор.
Тој додаде дека во сегашната ситуација од клучно значење е зачувувањето на мирот, но и дека најважна е безбедноста на српската заедница на Косово, како и дека во оваа смисла ги очекува земјите од Квинтата, кои имаат најголемо влијание врз Приштина, итно да донесат и спроведат одредени мерки кои би ја гарантирале безбедноста на Србите на Косово, што е предуслов за каква било понатамошна дискусија со претставниците на институциите во Приштина.
Претседателот Вучиќ истакна дека Албин Курти мора да ги повлече специјалните единици, бидејќи Србите никогаш нема да ја прифатат неговата окупација.
„Се надевам дека ќе можете да го вразумите Курти да ги повлече своите сили и личните градоначалници од северот“, рече претседателот Вучиќ.
Тој нагласи дека Србија ќе ја продолжи комуникацијата со претставниците на НАТО/КФОР со најдобра вера за зачувување на мирот и стабилноста.
Амбасадорите на Квинтата и шефот на делегацијата на ЕУ во Србија изразија загриженост за ескалацијата на насилството и нападите врз војниците на КФОР. Тие побараа враќање на дијалогот за да се најде политички излез од ситуацијата.