Доживотната казна затвор за Ратко Младиќ, која беше потврдена денес во Хаг, е одмазда, а не пресуда, оцени министерот за внатрешни работи на Србија, Александар Вулин.
„Младиќ е виновен, затоа што одговори на злосторствата на Насер Ориќ, но Насер Ориќ не е виновен за закланите српски цивили во Подриње. Младиќ е виновен затоа што командуваше со војската на Србите во српските села околу Сараево, каде што се родени и израснати неговите војници, но Изетбеговиќ не е виновен, бидејќи во Сараево нема повеќе Срби, туку има масовни гробници“, навел Вулин во соопштение.
Проценувајќи дека Хашкиот трибунал не е основан за да бара правда и да придонесе за помирување, туку за да им суди на Србите, Вулин посочил дека судот „ја исполнил својата цел“.
Според него, судот во Хаг ги прогласил Србите за геноциден народ, а дополнително ги скарал и закрвавил луѓето од поранешна СФРЈ.
„Секој ден од постојаното постоење на Механизмот е само начин неговите членови да продолжат да добиваат големи пари и да ги презентираат своите лаги како наша вистина. Пресудата против генералот Младиќ е пресуда на правдата“, вели министерот Вулин.