Актуелно
Почетна / Магазин / Наука и технологии / Xiaomi Mi 10 излегува на 11 февруари

Xiaomi Mi 10 излегува на 11 февруари

Претстојното излегување на серијата на Xiaomi Mi 10 предизвикува голем интерес, што е нормално бидејќи очекувањата за уредите во него се големи. Неодамна се појавија фотографии на еден од моделите, а претходно излегоа информации дека Mi 10 ќе има четири камери на грбот.

Сега, благодарение на рекламниот материјал, што беше објавен на кинеската социјална мрежа Веибо, добиваме неколку интересни нови детали. Како прво, јасно е дека серијата премиерно ќе се претстави на 11 февруари, кога се очекува и Samsung да објави голем број нови уреди. Исто така, гледаме дел од дизајнот на еден од моделите.

На грбот има лента, што се протега по цела должина на телефонот, а главната камера е поставена во неа. Оваа одлика е очигледно позајмена од Mi Mix Alpha, која има сличен елемент на грбот. Покрај тоа, се очекува да биде достапен чипсет Snapdragon 865 5G, потврдувајќи ја достапноста на 5G конекција.

Во меѓувреме, според кинески извори, дури и стандардниот модел во серијата Mi 10 ќе има сензор од 108 мегапиксели во својата главна камера и ќе вклучува и чипсет Snapdragon 865.

loading...