За обвинувањата за продавањето идентитет од страна на Бујар Османи, Мицкоски чека реакција од Обвинителството

Премиерот Христијан Мицкоски, кој претходно го обвинуваше ексминистерот за надворешни работи Бујар Османи за „продавање на македонскиот идентитет“ и велепредавство, сега одговори на новинарско прашање дали ќе покрене случај против него.

Мицкоски рече дека тоа е работа на Обвинителството и дека тој нема намера лично да презема било какви чекори. „Ако некој треба да реагира, тоа е Обвинителството. Тие се независни и нив треба да ги прашате дали е прекршен закон или Устав“, рече премиерот.

Претходно, Мицкоски го обвинуваше Османи дека со преговорите со соседите и ЕУ, прифатил услови кои го загрозуваат македонскиот идентитет, но дека Македонија ќе мора да ги плати тие компромиси за да може да продолжи по европскиот пат.