За првпат од избувнувањето на конфликтот отворени плажите во Одеса

Неколку плажи во украинскиот црноморски град Одеса се официјално отворени за капачи за првпат по избувнувањето на конфликтот со Русија, но не е дозволено пливање за време на тревога за воздушен напад, соопштија денеска локалните власти.

Одеса, најголемото пристаниште и поморска база во Украина, постојано беше цел на руски напади со ракети и беспилотни летала, а во морето се поставени и голем број подводни мини, пренесува „Ројтерс“.

Заради безбедност на локалното население, а по инцидентите со експлозии на мини на плажите, крајбрежјето беше затворено за јавноста.