„Мост“ одбива да достави финансиски документи на увид. Во врска со објавените информации во дел од медиумите дека во тек е истрага за невладината организација „Мост“ денес преку писмено соопштение се огласи и Финансиската полиција.
Управата за финансиска полиција по добиена пријава за сомнителни трансакции по добиената пријава за сомнителни трансакции од банкарските сметки на невладината органзиација Мост и други блиски субјекти, во рамките на своите надлежности уредени со Законот за финансиската полиција побара од сметководството на споменатата невладина организација податоци за основот за сомнителни сметки на физички лица во државите Либан, Јордан, Киргистан, Албанија, Тунис па дури и во Окупирана Палестинска Територија. И покрај максимално коректниот однос од страна на инспекторите од Управата за финансиска полиција и доставената замолница да им бидат обезбедени на увид правните основи за извршените трансфери на поголемите суми на девизи на државјани со сомнително потекло, од страна на првиот човек на невладината организација е одговрено дека не е во можност да им ги достави на увид овие документи од засега за нас непознати причини, велат од Финансиската полиција.
Оттаму напоменуваат дека Управата за финансиска полиција согласно закон е надлежна и должна да врши контрола на сите сомнителни трансфери на пари од и кон Република Македонија пред се заради заштита на даночните интереси на државата, а и, како што велат, заради спречување појава на перење пари.
Од Управата за финансиска полиција велат дека за конкретниот случај сеуште не се во можност да прејудицираат дали има или нема незаконито постапување од страна на инволвираните од едноставна причина што, како што велат, невладината одбива секаква соработка со овластените службени лица од Финансиската полиција и оневозможува увид во бараната документација.
Како што посочуваат, доколку од страна на Мост не биде овозможен увид во книговодството на организацијата на организацијата од Финансиската полиција ќе бидат приморани да ги применат инструментите предвидени со Законот за кривична постапка.
Од раѓанската асоцијација „Мост“ инфрормираа дека во понеделникот добиле најава за посета од Финансиската полиција, по што имале состанок на кој им биле побарани документи за нивното финансиско работење.
– Во понеделникот имавме состанок со Финансиската полиција на кој разговаравме со инспекторите. Коректно и прецизно ни побараа да ја подготвиме нашата документација и ни дадоа неколку дена за да ја доставиме. „Мост“ работи во согласност со законските прописи и ги почитува законите на Македонија – изјави Дарко Алексов од „Мост“.
Информацијата дека инспектори на финансиската полиција упаднале во невладина организација ја соопшти белгискиот експерт Питер Ванхауте на својот пртофил на „Твитер“, каде напиша:„Награда за владата за испраќање на финансиска полиција за да замолчи невладина која е критична за подготовките на избори“.
Во однос на шпекулациите што се појавија дека на некое лице му биле исплаќани десетици илјади евра, Алексов рече дека тие имале професионални ангажмани со домашни и странски експерти кои биле исплатени во согласност со нивните договори.
A reward for the Government sending financial inspection to silence NGO critical about election preparations. pic.twitter.com/YCBF9OF2Dp
— Peter Vanhoutte (@peter_vanhoutte) April 5, 2016
На прашањето дали од „Мост“ сметаат дека има услови за предвремени избори на 5 јуни, Алексов вели дека е добар момент ова прашање да се упати до ДИК и упати апел од таму да излезат и јасно да кажат дали постојат услови за избори.