Заев очекува успешни локални избори со употреба на „фингерпринт“

Премиерот Зоран Заев очекува локалните избори во октомври да се спроведат успешно со употреба на апарати за скенирање на отисок од прстот.

„ Се надевам дека за локалните ќе имаме избори со фингерпринт. Последната дилема во врска со ваквиот начин на спроведување на изборите се однесува на ридско-планински места или ако е слаб интернетот и не може да се користи базата, дали гласањето ќе се повтори или ќе се овозможи гласање на стариот начин. Таа дилема треба да ја разрешат работните групи. За нас е прифатливо како ќе одлучат сите, со конечна цел да имаме договор со сите. Се надевам дека во октомври месец ќе имаме успешни локални избори со фингерпринт “, рече Заев.