Премиерот Зоран Заев во врска со етничката поделба во личните карти, вели дека дијалогот е отворен, законските решенија ќе одат во Собранието и дека амбасадорите на земјите членки како и европската делегација ќе ни помогнат и сите заедно ќе изнајдеме убаво решение што ќе приличи на мултиетничка Република Македонија.
Премиерот рече дека ќе ги следат европските препораки и оти тоа за нив впишувањето етничка припадност е прифатливо, бидејќи, рече сме мултиетничка земја.
-Државјанството е македонско/граѓанин на Република Македонија. Етничката определба е определба на секој граѓани. Дури и Струмица е повеќе етничка, а не Македонија, сме навистина мултиетничка земја и правото на определба треба да го почитуваме. Во тој дел ќе ги слушаме и европските директиви заради тоа што сакаме да бидеме членка на ЕУ. Може да се изнајде решение на определба за да нема каква била дискриминација или каква било пречка, рече Заев.