„По наредба на вицепремиерот и министер за надворешни работи Екатерина Захариева, привремениот шеф на Амбасадата на Република Северна Македонија Владимир Крастевски во Софија бил повикан денес на разговор во Министерството за надворешни работи со в.д. Директор на Дирекцијата за Југоисточна Европа Ива Крулева“, објави прес-центарот наБугарското министерство за надворешни работи.
Според објавеното, причината за разговорот се честите манифестации на говор на омраза и дискриминација во Република Северна Македонија од страна на службени лица против граѓани на земјата кои прогласиле дека имаат бугарски идентитет, па дури и симпатија кон Бугарија и нејзиниот народ.
„Бугарската страна исто така изрази длабоко загриженост и разочарување од големата негативна кампања во Република Северна Македонија против претставникот на Скопје на музичкото натпреварување „Евровизија 2021“. Освен денешната средба, бугарската страна информираше за споменатите случаи претставници на меѓународни и регионални организации, амбасади на земји-членки на ЕУ и други партнери. Бугарија ќе продолжи да ги вложува сите потребни напори во согласност со принципите на меѓународното право за да ги заштити правата на бугарските граѓани и граѓаните кои прогласуваат бугарски идентитет, каде и да е во светот“, велат од тамошното бугарско министерство.