Захарова: Договорот за жито продолжен за 60 дена

Русија се согласи да ја продолжи важноста на договорот за извоз на украинско жито преку пристаништата на Црното Море за само 60 дена, изјави денес портпаролката на руското Министерство за надворешни работи, Марија Захарова.

„Повторуваме уште еднаш. Русија се согласи да го продолжи договорот за 60 дена“, нагласи Захарова за ТАСС.

ОН потврдуваат дека договорот за жито е продолжен, изјави денес портпаролот на генералниот секретар на светската организација, Стефан Дужарик, но не прецизираше за колку време е продолжена важноста на договорот.