Ескалацијата на Косово дојде по самитот на Европската унија на кој учествуваа балканските земји, изјави портпаролката на руското Министерство за надворешни работи, Марија Захарова.
– Малкумина обрнаа внимание на фактот дека неодамнешното влошување на ситуацијата во сепаратистичко Косово се случи веднаш по одржувањето на самитот на ЕУ на кој во Албанија учествуваа земјите од Западен Балкан. Односно како изгледаше: на 6 декември Европската унија одржува самит во Албанија. Усвојува документ – Декларацијата од Тирана, која ги поддржува аспирациите на Западен Балкан за влез во Европската унија. Згора на тоа, во посебен став од Тиранската декларација се наведува дека сепаратистичкото Косово (како и Србија) sе „на европскиот пат“, напиша Захарова на својот канал на Телеграм.
Захарова потсети и дека огромното мнозинство од сегашните жители на Косово се етнички Албанци, кои внимателно го следат државниот живот и европската перспектива на соседна Албанија.
– А паралелно со затегнувањето на улиците и патиштата, неодамна „косовскиот премиер“ Албин Курти поднесе апликација за членство во ЕУ. Почна политички процес. Расте ризикот од ескалација и вооружен конфликт во северниот дел на покраината. Затоа, наместо европска перспектива, Косово ќе има, како што се испоставува, сосема поинаква перспектива, нагласила дипломатката.
И што е најважно, според нејзините зборови, „ЕУ со една рака го води Белград кон „убава иднина“, а со другата се справува со антисрпски провокации.
-Ова е предавство од самиот почеток. Како свадба која почнува со предавство, заклучила Захарова.
Ситуацијата на северот на Косово ескалира по апсењето на поранешниот припадник на косовската полиција Дејан Пантиќ. Северот на Косово и Метохија е блокиран и од граѓаните и од полицијата. Србите протестираат веќе осми ден, а училиштата на северот нема да работат до понатамошно известување.
Косовската полиција забрани минување и на возила и на пешаци на административните премини Јариње и Брњак.