Захарова: НАТО не смее да предизвикува конфликти ако сака да спречи повторување на историјата

НАТО не треба да предизвикува конфликти во светот ако сака да избегне повторување на конфликти во иднина, предупреди портпаролката на руското Министерство за надворешни работи, Марија Захарова, реагирајќи на изјавата на генералниот секретар на НАТО, Јенс Столтенберг.

Столтенберг претходно изјави дека не знае како ќе заврши воениот конфликт во Украина, но дека смета дека е „исклучително важно“ НАТО „да може да спречи повторување на историјата“.

„Ако НАТО сака да спречи таква историја да се повтори, тогаш не треба да ја создава“, сподели Захарова на нејзиниот канал Телеграм, пренесува ТАСС.