55
Портпаролката на руското МНР Марија Захарова денеска изјави дека Москва се надева на нормализирање на ситуацијата во Србија преку внатрешен дијалог, како и враќање на учениците и студентите во училиштата и универзитетите.
„Неколку пати нагласивме дека сметаме дека е најкоректно брзо да се воспостави внатрешен дијалог во оваа земја за да се најде заеднички јазик што ќе и овозможи на државата да се врати во нормално функционирање“, рекла таа на брифингот во четвртокот.
Според неа, „ова вклучува обнова на образовниот процес и на универзитетите и во училиштата, почитување на законот и редот и враќање на политичките претставници да работат во парламентот и другите структури за доброто на Србија и нејзиниот народ“, пренесува агенцијата Интерфакс.