147
Работата на платниот систем БРИКС ќе продолжи и покрај заканите на новоизбраниот американски претседател Доналд Трамп дека ќе воведе царини од 100 отсто за увоз од земји кои се обидуваат да го поткопаат американскиот долар, пренесе РИА, цитирајќи висок руски функционер.
Минатата недела Трамп побара од членовите на БРИКС да ветат дека нема да воведат нова валута или да поддржат валута што може да го замени американскиот долар, предупредувајќи дека во спротивно ќе се соочат со високи царини.
Рускиот заменик министер за надворешни работи Александар Панкин изјави за РИА дека БРИКС работи на платен систем, а не на нова меѓународна валута.
„Се разбира, нашата работа ќе продолжи“, рече Панкин, коментирајќи го планираниот систем, пренесе Ројтерс.