Амбасадорот на Украина во Обединетото Кралство, поранешен врховен командант на вооружените сили на Украина, Валериј Залужни, денеска изјави дека „ќе биде подготвен“ да одговори на прашањата за изборите и личните политички амбиции откако Украина ќе застане на нозе и ќе ја зачува својата државност.
На прашањето на новинарите дали планира да се кандидира на изборите, Залужни рече дека прво треба да се создадат услови во кои таквите прашања „би биле апсолутно соодветни“.
„Верувам дека ако се создадат овие услови, тогаш јас, како човек кој е во државната служба, работејќи директно за државата, ќе бидам подготвен да одговорам на такви прашања“, рече тој на конференцијата „Украина го менува светот. Дијалози за можностите“, пренесува украинскиот портал New Voice.