Заминувањето на западните компании создаде нова бизнис елита во Русија

Заминувањето на западните компании од Русија создаде нова бизнис елита во оваа земја, која ги купи средствата и подружниците на споменатите компании со попуст, наведува Блумберг.

Според аналитичката агенција АК&М, во 2022 година и првата половина на 2023 година странските компании продале бизниси во Русија за над 21 милијарда долари.

Купувачите на странски фондови не се меѓу најбогатите Руси и главно се непознати надвор од границите на земјата, но тие се занимаваат со бизнис веќе неколку децении, како во сопствени компании, така и со „познати милијардери“, пренесува њујоршката агенција.