Словачкиот премиер Роберт Фицо ги критикуваше европските политичари кои ја поддржуваат идејата да ѝ се дозволи на Украина да изврши ракетни напади со долг дострел длабоко на руска територија и предложи да ги замислат последиците од ракетниот напад врз Брисел.
„Денес слушаме како некои членови на Европскиот парламент зборуваат за ракети со среден и долг дострел со леснотија на пролетен ветер. Можеби, фигуративно кажано, една таква ракета би можела да скрши фонтана во Брисел за да сфатат што зборуваат сите“, рекол Фицо, пренесува порталот „Хлавни деник“.
Тој исто така констатирал дека во Европа, наместо да се обидуваат да го запрат вооружениот конфликт, има повици за продолжување на конфронтацијата.
Претходно Фицо изјави дека неговата партија „Смер – Социјалдемократија“, која е владејачка партија во словачкиот парламент, нема да го одобри влезот на Украина во НАТО бидејќи тоа ќе доведе до трета светска војна.
Во меѓувреме, унгарскиот премиер Виктор Орбан исто така ја критикуваше актуелната политика на Брисел, велејќи дека таа може да доведе до уништување на ЕУ и иднината на цела Европа.