Запленети амфетамин и марихуана кај жител на Карпош кој бил во домашен притвор

Полициски службеници од Одделот за криминалистичка полиција-Сектор за недозволена трговија со дрога и СВР- Скопје денеска заплениле синтетичка дрога амфетамин и марихуана во скопската населба Карпош.

Врз основа на судска наредба извршен е претрес во дом на лицето Д.Б. (38), кој издржувал мерка куќен притвор, и при тоа е пронајдена синтетичка дрога, амфетамин и марихуана а лицето Д.Б. е приведено во Полициска станица -Карпош, и по насока од јавен обвинител и судија од Основен кривичен суд е спроведен во Истражен затвор Скопје, велат од МВР.

Додаваат дека по документирање на случајот против него ќе биде поднесена соодветна кривична пријава од Кривичниот Законик и за новото кривично дело.