Започна пролетната акција за засадување на 200 ореви во Карпош

од Берта Китинска

Започна пролетната акција за засадување на 200 ореви, во сите населби низ општина Карпош. Комуналните служби садат во близина на Кејот на Вардар, во Карпош 4 (долж улица „Желево“), Козле (кај „Јуриј Гагарин“), на плоштадот „Делфина“ во Влае 2 и на улицата „Женевска“ во Тафталиџе 2.

– Можам да најавам дека оваа година ќе засадиме и 150 други, висококвалитетни дрвја. Исто така, планираме и подигнување на 4 нови маалски паркови, со тревни површини, украсни растенија и системи за наводнување, рече градоначалникот на општина Карпош, Стефан Богоев.

Богоев нагласи дека намаленото аерозагадување, треба да нѐ мотивира сите, уште повеќе да вложуваме во зелени површини, еко – системи на греење, субвенции за велосипеди, обновливи извори на енергија, во планска урбанизација и дисперзирање на градбата кон периферијата.

Слични содржини